प्रतिनिधी / पेठ वडगाव
पेठ वडगावात कोरोना रुग्णांची संख्या वाढत असल्याने कोरोना संसर्ग रोखण्यासाठी उद्या, शनिवार दि.१ ते ३ मे पर्यंत वडगाव पालिकेने जनता कर्फ्यू घोषित केला आहे. या जनता कर्फ्यूचे नागरिकांनी पालन करावे. कोरोनाचा संसर्ग वाढू नये यासाठी जनता कर्फ्यू कालावधीत पालिका व पोलीस प्रशासनाच्या सूचनांचे पालन करून पालिका व पोलीस प्रशासनास सहकार्य करण्याचे आवाहन नगराध्यक्ष मोहनलाल माळी यांनी केले आहे. पालिका प्रशासन, पालिका सदस्य, पोलीस प्रशासन यांच्या बैठकीत हा निर्णय घेण्यात आला.
या बैठकीस पालिका मुख्याधिकारी टीना गवळी, नगराध्यक्ष मोहनलाल माळी, उपनगराध्यक्ष संतोष चव्हाण व नगरसेवक, पोलीस निरीक्षक संतोष घोळवे आदी उपस्थित होते. या जनता कर्फ्यूमध्ये वडगांव शहरातील दुध डेअरी सकाळी 6 ते 9 वाजेपर्यंत व मेडिकल दुकान स. 8 ते स. 10 वाजेपर्यत सायंकाळी 4ते 6 वाजेपर्यंत चालू राहतील.
जनता कर्फ्यूमध्ये भाजीपाला, फळ विक्री इतर सर्व व्यवसाय, दुकाने बंद राहतील. या करीता सर्व नागरीक व व्यापारी यांनी नगरपालिका प्रशासन व पोलिस प्रशासनास सहकार्य करावे. कोणीही अत्यावश्यक कामा शिवाय घरा बाहेर पडू नये अन्यथा कडक कारवाई करणेत येईल असे आवाहन पालिका मुख्याधिकारी टीना गवळी व वडगाव पोलीस ठाण्याचे पोलीस निरीक्षक संतोष घोळवे यांनी केले आहे.
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.