वार्ताहर / हलकर्णी
गडहिंग्लज तालुक्यातील बसर्गे येथील पोलीस नाईक रामदास अशोक घस्ती (वय 34) याने राहत्या घरी गळफास घेवुन आत्महत्या केली. ही घटना शुक्रवारी रात्री साडे आठच्या सुमारास घडली. कांचनकुमार बाबुराव घस्ती (रा. बसर्गे) यांनी पोलिसात वर्दी दिली आहे.
मयत रामदास घस्ती हा कोल्हापूर पोलिस दलात नोकरीस होता. सद्या तो चंदगड पोलिस ठाण्यात पोलिस नाईक म्हणून काम करीत होता. बऱ्याच दिवसांपासून तो कामावर गैरहजर होता. त्यांचे त्यांच्या पत्नीमध्ये काही दिवसांपासून वाद चालू होते. पत्नी मुलग्यास घेवुन माहेरी राहते. त्यामुळे तो नैराश्येतुन वरचेवर कामावर गैरहजर राहत होता. कौटुंबिक नैराश्येपोटी तो व्यसनांच्या आहारीही गेला होता. या सर्व परिस्थितीमुळे त्याने राहत्या घरी लोखंडी हुकास नायलॉन दोरी बांधून गळफास घेवुन आत्महत्या केली. रामदास हा 2008 मध्ये पोलिस दलात भरती झाला होता. सुरूवातीला तो कोल्हापूरातील कंट्रोल रूमकडे कामाला होता. त्यानंतर आजरा, गारगोटी आणि चंदगड येथे कामावर होता. सहकाऱ्यात आणि मित्रपरिवारात तो मनमिळावु आणि प्रामाणिक म्हणून परिचीत होता.