33 हजाराचे सोन्याचे दागिने लंपास
प्रतिनिधी / कोल्हापूर
मुक्तसैनिक वसाहत परिसरातील लक्ष्मीनारायण नगर येथे घरफोडीची घटना घडली. अज्ञात चोरट्याने सोन्याचे दागिने व रोकड असा 33 हजार 500 रुपयांचा ऐवज लंपास केला. शशिकांत निवृत्ती मोरे (वय 54 रा. मुक्तसैनिक वसाहत) यांनी फिर्याद दिली आहे.
याबाबत शाहुपुरी पोलीस ठाण्यातून मिळालेली माहिती अशी, शशिकांत मोरे हे 12 सप्टेंबर रोजी कामानिमित्त बाहेर गेले होते. ही संधी साधून अज्ञात चोरटÎाने त्यांच्या घराचे कुलुप तोडून चोरी केली. घरातील सोन्याची अंगठी, सोन्याचे टॉप्स आणि रोख 1500 रुपये असा 33 हजार 500 रुपयांचा ऐवज चोरुन नेला. मोरे यांनी दिलेल्या फिर्यादीनुसार शाहुपुरी पोलीस ठाण्यात गुन्हा नोंद झाला असून पोलीस नाईक कोळी तपास करत आहेत.