वारणानगर / प्रतिनिधी
कोडोली ता. पन्हाळा येथील विनिता जयंत पाटील यांना नॅशनल रूरल डेव्हलपमेंट फाउंडेशन बेळगाव व हेल्थ अँड नेचर डेव्हलपमेंट सोसायटी यांच्यावतीने कर्नाटक, महाराष्ट्र व गोवा या तीन राज्यामधून अंतरराज्य सामाजिक सेवा गौरव पुरस्कार जाहीर केला आहे.
२८ मार्च २०२१ रोजी बेळगाव येथे सामाजिक सेवा गौरव पुरस्कार प्रदान करण्यात येणार आहे. पदक,विशेष प्रमाणपत्र , सन्मान चिन्ह व म्हैसुर फेटा असे त्याचे स्वरूप आहे.
सदर पुरस्कार सोहळा कर्नाटक, महाराष्ट्र व गोवा या तीन राज्यातील भारतीय सैन्य दलातील अधिकारी, सिने कलाकार , शिक्षण अधिकारी, राजकीय नेते व मठाधीश यांच्या प्रमुख उपस्थित होणार आहे. विनीता पाटील यांनी यशवंत शिक्षण प्रसारक मंडळाच्या विश्वस्त म्हणून शिक्षण क्षेत्रात केलेले काम व यशस्वी फाउंडेशनच्या माध्यमातून महिला संघटन व महिला उनत्ती करीता केलेल्या कामाची दखल घेत हा पुरस्कार त्यांना जाहिर करण्यात आला आहे. विनीता पाटील यांना डॉ. जयंत प्रदीप पाटील, तसेच श्रीमती पद्मजा प्रदीप पाटील यांचे प्रोत्साहन लाभले.