प्रतिनिधी/कोल्हापूर
गेल्या आठवडाभरापासून कोल्हापूर शहर आणि परिसरात गव्यांचा वावर वाढला असून आज पहाटे आणखी दोन गवे शहरात घुसले आहेत. जयंती नाला परिसरात हे गवे आढळले असून वनविभाग, अग्निशमन दल आणि प्राणी मित्रसंघटना बंदोबस्तसाठी तैनात केले आहेत. दरम्यान आज पहाटे चार च्या सुमारास एक गवा शहरात घुसला आहे.
विवेकानंद कॉलेज, नागाळा पार्क येथे २ गवा रेडे आढळले आहेत. वनविभाग, पोलीस प्रशासन, अग्निशमन दल को. म.न. पा. आपत्ती व्यवस्थापन पथक यांना पाचारण करण्यात आले असून त्याच्या मार्गवर आहेत. दरम्यान पहाटे मॉर्निंग वॉक साठी बाहेर पडणाऱ्या नागरिकांनी सतर्क राहावे, असे आवाहन वनविभागाकडून करण्यात आले आहे.