प्रतिनिधी/शाहुवाडी
आंबा ता. शाहूवाडी येथील हार्नबिल रिसॉर्ट हे संस्थात्मक क्वारंटाईन करण्यासाठी अधिग्रहण करण्याचे आदेश प्रातांधिकारी बी. आर. माळी यांनी दिले आहेत. मात्र हे आदेश असतानाही एका कुटूंबाची व्यवस्था करण्यास गेलेल्या ग्रामसेवक, पोलिस पाटील व संबंधीत कुटुंबास रिसाँर्टचे मालक सुनिल विनायक गुप्ते यांनी शिवीगाळ करत त्यांना कोविड केअर सेंटर मधून हाकलून दिले.
याप्रकरणी रिसॉर्टचे मालक गुप्ते यांना शाहूवाडी पोलिसांनी अटक केली. तर, आज शाहूवाडीचे प्रथमवर्ग न्यायदंडाधिकारी यांचे समोर उभे केले असता न्यायदंडाधिकार्यांनी त्यांना १४ दिवस न्यायालयीन कोठडीत ठेवण्याचा आदेश दिला. या प्रकरणी पोलीस पाटील शंकर पाटील यांनी शाहुवाडी पोलिसात फिर्याद दिली.