ऑनलाईन टीम / नवी दिल्ली :
भारत बायोटेकने कोवॅक्सिनच्या 2 ते 18 वर्ष वयोगटातील मुलांवरील चाचणीचा डेटा ड्रग्ज कंट्रोलर जनरल ऑफ इंडियाकडे पाठवला आहे. त्यामुळे लवकरच कोवॅक्सिनच्या लहान मुलांवरील लसीला मंजुरी मिळण्याची शक्यता आहे.
भारत बायोटेकचे अध्यक्ष डॉ. कृष्णा एला म्हणाले, सप्टेंबरमध्ये भारत बायोटेकने 18 वर्षांपेक्षा कमी वयाच्या मुलांवर लसीची चाचणी घेतली. दुसऱ्या आणि तिसऱ्या टप्प्यातील चाचणी पूर्ण झाल्यामुळे तो डेटा शनिवारी डीसीजीआयकडे पाठविण्यात आला. जागतिक आरोग्य संघटनेकडेही हा डेटा पाठविण्यात आला आहे. यापूर्वी भारत बायोटेकच्या सर्व लसींना मंजुरी मिळाली आहे. त्यामुळे लवकरच भारत बायोटेकच्या लशीच्या लहान मुलांवरील वापराला मंजुरी मिळण्याची शक्यता आहे, असेही डॉ. एला म्हणाले.