अपण जर नियमितपणे इन्स्टाग्राम पाहात असाल व त्यावरील फॅशन टेंडसवर आपले लक्ष असेल तर आपल्याला हा नवीन ट्रेंड नक्कीच दिसला असणार. फक्त #chochet हे शब्द शोधून पाहा, आज फॅशन जगतात क्रोशे या विणकामाच्या प्रकाराची लोकप्रियता कळेल. एकेकाळी घरातील स्त्रिया वेळ घालवण्यासाठी व आपली कला जोपासण्यासाठी क्रोशाचे विणकाम करीत. लेस, तोरण, जॅकेट, टेबलक्लॉथ असे हमखास विणले जाई. आज मात्र क्रोशानं कात टाकलीय. क्रोशाचे विणलेले ड्रेसिस आवडीनं परिधान केले जात आहेत. रंगीत क्रोशे जंपरला लेदर मोटो जॅकेटसोबत वापरतात. साध्या टी-शर्ट जीन्सवर क्रोशेच्या पॅचवर्कचा श्रग लुकच पालटतो. पांढऱया क्रोशाची जागा गडद रंगांनी घेतली आहे. याची वीण इतकी सुबक असते की रंगांमुळे त्याला आणखी उठाव येतो. साध्याशा आऊटफिटला कुठल्याकुठे उंचीवर नेऊन ठेवण्याची क्षमता या क्रोशात असते. संबंध ड्रेस किंवा स्कर्ट क्रोशातून विणताना कारागिरीचे कसब लागते, पण जे निर्माण होतं ते कलाकृतीपेक्षा कमी नसतं. शिवाय घट्ट विणीमुळे हे कपडे लवकर खराब होण्याची भीती नसते. कोणत्याही ऋतूत आवर्जून वापरता येणारा हा प्रकार आता आपल्याही वॉर्डरोबमध्ये हवाच.
Trending
- सलून व्यावसायिकाचा कोल्हापूर लोकसभेसाठी अर्ज दाखल! सायकलवरून अर्ज भरून दिला पर्यावरणाचा संदेश
- महायुतीचे उमेदवार धैर्यशील माने यांना मोठया मताधिक्य देण्यासाठी कामाला लागा- मंत्री चंद्रकांत पाटील
- अत्यंत साध्यापद्धतीने काँग्रेस उमेदवार प्रियांका जारकीहोळी यांनी भरला उमेदवारी अर्ज
- नेसरी पोलिसांकडून आंतरराज्य टोळीतील म्होरक्यासह चौघे जेरबंद
- जिल्ह्यात पारा गाठू शकतो 42 अंश उन्हाच्या तडाख्यापासून वाचणार कसे..?
- संजय मंडलिक श्रीराम चरणी लीन! रामनवमीनिमित्त कागलसह कोल्हापूर मधील उत्सवात सहभाग
- काँग्रेसचे खलप, विरियातो यांचे अर्ज सादर
- वेदांतासोबतच्या कराराबाबत गोवा फाऊंडेशनची तक्रार