प्रतिनिधी/ बेळगाव
खराब किंवा ढगाळ वातावरण असले की विमाने उतरविताना अनेक समस्या येतात. या दूर करण्यासाठी बेळगाव विमानतळावर इन्स्ट्रूमेंट लँडिंग सिस्टम (आयएलएस) ही रेडिओ सिग्नलवर आधारलेली यंत्रणा बसविली जात आहे. याचे काम अंतिम टप्प्यात आले असून, यापुढील काळात खराब वातावरणातही विमान धावपट्टीवर उतरविणे सोयीचे होणार आहे.
बेळगावमध्ये आयएलएसचे काम सुरू असून, यासाठी नवी दिल्ली येथील कार्पोरेट हेडक्वॉटर आणि एएआयचे विशेष पथक काम करीत आहे. उडान 3 मुळे बेळगाव विमानतळाचा विकास झपाटय़ाने झाला असून, प्रवासी संख्या वाढली आहे. त्यामुळे विमानांची ये-जा देखील वाढली आहे. बऱयाचवेळा खराब वातावरणामुळे इतरत्र विमाने उतरवावी लागतात.
आयएलएस यंत्रणेमध्ये दोन ऍन्टीना असतात. विमान धावपट्टीवर सुरक्षित उतरावे यासाठी ही यंत्रणा रेडिओ सिग्नलद्वारे संदेश विमानाच्या कॉकपिटमध्ये असलेल्या रिसिव्हरमध्ये पाठवतात. खराब हवामानामध्ये देखील वैमानिकाला योग्य संदेश मिळणे सोयीस्कर होते. लवकरच ही यंत्रणा बेळगावमध्ये कार्यरत होणार असल्याचे विमानतळ अधिकाऱयांनी सांगितले.