टिळकवाडी पोलिसांची कारवाई : घरवालीला अटक
प्रतिनिधी/ बेळगाव
खानापूर रोडवरील उच्चभ्रू वस्तीतील एका अपार्टमेंटवर धाड टाकून कुंटणखाना चालविणाऱया एका महिलेला अटक करण्यात आली आहे. शुक्रवारी रात्री टिळकवाडी पोलिसांनी ही कारवाई केली असून दोन महिलांची सुटका करण्यात आली आहे.
आश्रय एम्पायर अपार्टमेंटमध्ये हा प्रकार चालत होता. दीपा वेंकटेश पाच्छापूर (वय 37, रा. चन्नम्मानगर, सध्या रा. आश्रय एम्पायर अपार्टमेंट) असे पोलिसांनी अटक केलेल्या महिलेचे नाव आहे. पोलीस आयुक्त डॉ. के. त्यागराजन यांनी शनिवारी एका पत्रकाद्वारे ही माहिती दिली.
आश्रय एम्पायरमध्ये देहविक्री सुरू असल्याची माहिती मिळताच टिळकवाडीचे पोलीस निरीक्षक विनायक बडीगेर व त्यांच्या सहकाऱयांनी अचानक छापा टाकून दीपाला अटक केली. या कारवाईवेळी पोलिसांना दोन महिला आढळून आल्या. या त्रस्त महिलांची सुटका करण्यात आल्याचे पोलिसांनी सांगितले. टिळकवाडी पोलीस पुढील तपास करीत आहेत.