प्रतिनिधी/ खेड
शहरातील डॉ. बाबासाहेब आंबेडकर सांस्कृतिक केंद्राच्या मैदानात 16 व 17 जानेवारी रोजी भारतरत्न डॉ. बाबासाहेब आंबेडकर चषक क्रिकेट स्पर्धेचे आयोजन करण्यात आले आहे. स्पर्धेतील विजेत्यास 21,111 रूपये, उपविजेत्यास 11,111 रूपये व चषक देऊन सन्मानित करण्यात येणार आहे. उत्कृष्ट फलंदाज, उत्कृष्ट गोलंदाज व मालिकावीर यांनाही गौरवण्यात येणार आहे. स्पर्धेत 24 संघ सहभागी होणार आहेत.