वृत्तसंस्था / श्रीनगर
जम्मू-काश्मीरच्या श्रीनगर परिसरात असलेल्या गुलमर्ग येथे दुसरी खेलो इंडिया हिवाळी क्रीडास्पर्धा शुक्रवार 26 फेब्रुवारी ते 2 मार्च दरम्यान होणार आहे. या राष्ट्रीय स्पर्धेत विविध राज्यांतील 1200 खेळाडू तसेच पाहुणे मंडळी सहभागी होणार आहेत. या स्पर्धेत 27 राज्ये आणि केंद्रशासीत परिसरातील खेळाडू विविध क्रीडा प्रकारात आपले वर्चस्व ठेवण्याचा प्रयत्न करतील. बर्फाळ प्रदेशामध्ये होत असलेल्या या स्पर्धेत आईस स्केटींग, आईस हॉकी, स्कीईंग या क्रीडा प्रकारचा समावेश आहे.