प्रतिनिधी/ गारगोटी
गंगापूर ता. भुदरगड येथील विवाहिता अर्चना विजय नरतवडेकर (३३) हिने राहत्या घरी गळफास घेऊन आत्महत्या केली आहे. याबाबत ची फिर्याद पती विजय आण्णासो नरतवडेकर यांनी भुदरगड पोलिसात दिली आहे.
याबाबत पोलिसातून मिळालेली माहिती अशी, गंगापूर ता. भुदरगड येथील विवाहिता अर्चना विजय नरतवडेकर हिने पहाटे सर्वजण झोपेत असतांना घरातील माळ्यावरील वाशास साडीने गळफास घेऊन आत्महत्या केली.आत्महत्येचे नेमके कारण समजू शकलेले नाही. मृत विवाहितेच्या पश्चात पती,दोन मुले असा परिवार आहे घटनास्थळी पोलीस निरीक्षक संजय पतंगे यांनी घटनास्थळी भेट दिली असून अधिक तपास संजय पतंगे यांच्या मार्गदर्शनाखाली संजय गुरव करीत आहेत.