गांजा टोळी पकडल्याच्या चर्चेमुळे मुरगूड परिसरात खळबळ
मुरगूड परिसरातील युवक अडकतोय नशेच्या विळख्यात
वार्ताहर / यमगे
मुरगूड ता.कागल येथे मंगळवारी आठवडी बाजारामध्ये शहराच्या मध्यवर्ती ठिकाणी असणाऱ्या नगरपालिका कार्यालयाजवळ गांजा आणि ड्रग्ज खरेदी विक्री करणाऱ्या टोळीस मुरगूड पोलिसांनी जेरबंद केल्याची चर्चा परिसरात पसरल्यामुळे शहर आणि परिसरात खळबळ उडाली. अधिकृतपणे बातमीस दुजोरा मिळाला नाही.
सदर घटनेची खातरजमा करण्यासाठी अनेक पत्रकार नागरिक आणि मुरगूड पोलिस स्टेशनची संपर्क केला तर याबद्दल कोणतीही पुष्टी मुरगूड पोलिस स्टेशनकडून करण्यात आली नाही. काही पत्रकार नागरिक चौकशीसाठी गेले असता, “आपणास याबद्दल कोणतीही माहिती नाही”. “अन्य घटनेत पकडलेला युवक मोबाईल चोरीच्या संशयावरून पकडण्यात आला आहे”.”मुरगूड सारख्या ठिकाणी गांजा आणि ड्रग्ज यांची कोणतीही खरेदी विक्री होऊ शकत नाही”.”मुरगूड सारख्या शहरात गांजा पुरवण्यासाठी कोणतातरी मोठा डीलर असावा लागतो. मोठं रॅकेट असतं.असं काहीही घडले नाही.”अशी उत्तरे देण्यात आली.
चर्चा वेगळीच..
गेल्या दोन-तीन वर्षापासून मुरगूड शहरातील व परिसरातील अनेक ठिकाणी गांजा सेवन करणारी तरुण मुले परिसरातील नागरिकांनी अनेकदा पाहिली आहेत. शहराच्या जवळच असणाऱ्या सर पिराजी तलाव, दौलतवाडी डोंगर परिसर, शहरातील पोलीस स्टेशन जवळील जिल्हा परिषद प्राथमिक शाळेच्या पटांगणावर अंधाऱ्या कोनाड्यात सर्रास गांजा सेवन सुरू असते असे नागरिक सांगतात. अवचितवाडी रोड वरील काही निर्जन ठिकाणीही,जुने पोलीस स्टेशन,राधानगरी रोडवरील चौगले पाणंद,वाघापूर जोडणारा नवा पूल,दत्त मंदिर परिसर,यमगे गावच्या ग्रामदैवत मंदिर परिसर, सोळा, सतरा ते तीस वयोगटातील तरुण बेधुंद झालेली लोकांनी पाहिली आहेत.
नागरिक या व्यसनात गुरफटलेल्या काही जेष्ठ,निवृत्त शासकीय कर्मचारी यांचीही नावे सांगतात.
काही शासकीय नोकर, शिक्षण क्षेत्रातील पालकांची मुले या नशा आणि अमली पदार्थांच्या देवघेवीत सहभागी असल्याचे बोलले जात आहे. राजस्थान-बिहार मधून आलेले बांधकाम व्यावसायिक नशापान करतात. अनेक जण बाहेरून ‘माल’ मागवतात.त्यामुळे या सर्व प्रकरणात या परप्रांतीय कारागिरांवर लोकांचा असंतोष व्यक्त होत आहे. जिल्ह्यात अनेक ठिकाणी मावा विक्री जोरात चालते. लाखोंची कमाई केली जाते. तोंडाची ‘भट्टी’ झालेले तरुण वैद्यकीय उपचारात लाखो रुपये घालवतात.
मावा बनवण्याच्या प्रक्रियेत गांजा,अफू आणि तत्सम अंमली पदार्थाचे पाणी वापरले जात असल्याचा संशय आहे. मध्यंतरी प्रकरणातून एका तरुणास माव्याची ‘किक’ बसल्यामुळे तो मोटर सायकल वरून खाली कोसळला या घटनेची चर्चा मुरगूडमध्ये प्रकरणानंतर अमली पदार्थ मिश्रित पाण्याची चर्चा सर्वत्र रंगली.
गांजा आणि अमली पदार्थांचे सेवन करण्याची
दुर्बुद्धी तू दिवस दुर्दैवच म्हणावा लागेल मैदानी खेळ कुस्ती कबड्डी हॉलीबॉल यांची परंपरा असणाऱ्या मुरगूड सारख्या आरोग्यसंपन्न गावात तरुणाईला अशा पदार्थांची लागलेली लत शहराच्या लौकिकाला काळीमा फासणारी आहे. तीस एक वर्षापूर्वी मुरगूड शहर तसे आर्थिक दृष्ट्या कमकुवतच होते. शेतीत प्रामुख्याने भात पिकावर लोकांची गुजराण चालायची दिवंगत खासदार सदाशिवराव मंडलिक यांच्या प्रयत्नातून काळम्मावाडी धरणाचे पाणी रंगीत ऊन बारमाही व्हायला लागले तसे लोकांचा आर्थिक दर्जा उंचावला ऊस पिकाची शेती भात पिकाने घेतली शहरीकरण झपाट्याने वाढले. परिसरातील उसाची चांगली रिकव्हरी, दूध व्यवसायात मुरगूड आणि परिसराने घेतलेली उत्तुंग झेप त्यामुळे लोकांच्या हाती वाढलेले चलन यामुळे परिसरामध्ये सुख सोई चैन वाहने हॉटेल्स मद्य विक्री यांच्यात वाढ झाली. तर त्याच बरोबर दुसरीकडे मुरगूडची खूप मोठी परंपरा असणारे हॉलीबॉल कुस्ती कबड्डी या खेळांच्या स्थानिक खेळाडूंच्या प्रगतीला मोठ्या प्रमाणात खिळ बसल्याचे दिसून येते.
वास्तविक शेतीसारख्या कष्टाच्या व्यवसायातून निर्माण झालेल्या साधनसंपत्तीमुळे कुटुंबाचे शैक्षणिक आणि सांस्कृतिक वातावरण उंचावण्याची संधी निर्माण होते. पण दुर्दैवाने गेल्या काही वर्षापासून शहरातील स्थानिक मुलांच्या शिक्षणाचा आलेख खूप आनंददायी नाही अशी स्थिती आहे. आर्थिकदृष्ट्या सुस्थितीत असणाऱ्या कुटुंबातील मुलांच्या बरोबर कमकुवत स्थिती असणारे अल्पभूधारक शेतमजूर कुटुंबातील मुलेही अशा सवयी मध्ये गुरफटत आहेत हे अतिशय वेदनादायक चित्र आहे.