ऑनलाईन टीम/तरुण भारत
जगभरात कोरोना विषाणूने हाहाकार माजवला आहे. अनेक देशांमध्ये कोरोनाच्या ओमिक्रॉन व्हेरिएंटने चिंता वाढवली आहे. अमेरिकाही याला अपवाद नाही. सुरुवातीपासून कोरोना विषाणूचा सर्वाधिक फटका अमेरिकेला बसल्याचं दिसतंय. अमेरिकेत आत्तापर्यंत जगभरात सर्वाधिक कोरोना मृत्यूंची नोंद झाल्याचं एका अभ्यासातून समोर आलं आहे. अमेरिकेने ८ लाख मृत्यूंचा आकडा पार केल्याचं या अभ्यासात म्हटलंय. त्यातच आता गुगल कंपनीने महत्वाचा निर्णय घेतलाय.
दरम्यान, गुगलने आपल्या कर्मचार्यांना इशारा दिलाय की, कोरोना लस न घेतल्यास ते त्यांचा पगार गमावतील अन्यथा त्यांना कामावरून काढून टाकण्यात येईल. सीएनबीसीने मंगळवारी अंतर्गत कागदपत्रांचा हवाला देऊन ही माहिती दिली आहे.