ऑनलाईन टीम / पुणे :
जगभरात कोरोना रुग्णांच्या वाढत्या संसर्गासोबतच कोरोना लसीचेही युद्ध पातळीवर प्रयत्न सुरु आहेत. याचाच भाग म्हणून भारतात ड्रग कंट्रोलर जनरल ऑफ इंडियाने (DCGI) सिरम इंस्टीट्यूट ऑफ इंडियाला कोरोना लस वैद्यकीय चाचणीसाठी परवानगी दिली आहे.
सिरम इंस्टीट्यूट ऑफ इंडियाला ऑक्सफर्ड यूनिव्हर्सिटीची कोरोना लस Astra Zeneca च्या दुसऱ्या आणि तिसऱ्या टप्प्यातील वैद्यकीय चाचणीसाठी परवानगी मिळाली आहे.
मागील महिन्यातच ब्रिटेनच्या ऑक्सफर्ड यूनिव्हर्सिटीच्या कोविड-19 लशीचा पहिला आणि दुसरा टप्पा यशस्वी राहिला आहे. यातील चाचण्यांचा निकाल अनुकुल आला आहे. ब्राझिलमध्ये केल्या गेल्लाय मानवी चाचणीचे परिणाम सर्वाधिक चांगले आले आहेत. आता भारतात देखील तिसऱ्या टप्प्यातील मानवी चाचण्या सुरु होणार आहेत.
याबाबत बोलताना सिरम इन्स्टिट्यूटचे मुख्य कार्यकारी अधिकारी आदर पूनावाला म्हणाले की, आम्ही लस निश्चित बाजारात आणणार आहोत. लवकरच आम्हाला क्लिनिकल ट्रायल करण्यासाठी लायसन मिळेल. तिसऱ्या टप्प्यातील मानवी चाचणीला सुरुवात केली जाईल.