गुलबर्गा/प्रतिनिधी
गुलबर्गा विद्यापीठाच्या ३८ वा वार्षिक दीक्षांत समारंभ शुक्रवारी पार पडणार आहे. तयावेळी तब्बल १५०२९ विद्यार्थ्यांना विद्यापीठाची पदवी प्राप्त होणार आहे, असे विद्यापीठाच्या अधिकाऱ्यांनी सांगितले. एकूण ८२ विद्यार्थी एकूण १५५ सुवर्णपदके पटकावली असून नऊ गुणवंत विद्यार्थ्यांना रोख बक्षिसेही देण्यात येणार असल्याचे कुलगुरू चंद्रकांत यतनूर यांनी सांगितले.
११० महिला पदक पुरस्कारांच्या यादीत आहेत तर एकूण ७७५१ महिला विद्यार्थ्यांना यावर्षी पदवी मिळेल, असेही ते म्हणाले. दीक्षांत समारंभाची सुरुवात सामाजिक व आर्थिक बदल संस्थेचे संचालक एस. मधेश्वरन यांच्या भाषणाने होणार असून या कार्यक्रमाच्या अध्यक्षस्थानी विद्यापीठाचे कुलपती राज्यपाल वजुभाई वाला असतील.