नवी दिल्ली / वृत्तसंस्था
काँग्रेसचे ज्येष्ठ नेते गुलाम नबी आझाद यांची कोरोना चाचणी पॉझिटिव्ह आली आहे. आपल्याला कोरोनाची बाधा झाल्याची माहिती त्यांनी स्वतः ट्विटरच्या माध्यमातून दिली आहे. माझी कोरोना चाचणी पॉझिटिव्ह आली असून मी सध्या होम क्वारंटाईनमध्ये आहे. गेल्या काही दिवसांमध्ये जे कोणी माझ्या संपर्कात आले असतील त्यांनी आपली कोरोना चाचणी करावी. तसेच सरकारी नियमांचे पालन करावे, असे आवाहन त्यांनी केले आहे. ताप आणि खोकल्याची किरकोळ लक्षणे आढळल्यानंतर कोरोना चाचणी केली असता त्यांना हा संसर्ग झाल्याचे स्पष्ट झाले आहे.