सांगलीचे खासदार संजय काका पाटील यांची केंद्रीय मंत्री नितीन गडकर यांच्याकडे मागणी
प्रतिनिधी / सांगली
सांगली जिल्ह्यातून जात असलेल्या गुहागर विजापूर आणि मनमाड चिकोडी या दोन राष्ट्रीय महामार्ग बाबत सांगलीचे खासदार संजय काका पाटील यांनी बुधवारी दिल्ली येथे केंद्रीय परिवहन मंत्री नितीन गडकरी यांची भेट घेतली. या भेटीदरम्यान सांगली जिल्ह्यातून जाणाऱ्या गुहागर ते विजापूर आणि मनमाड ते चिकोडी या राष्ट्रीय महामार्गांचे काम लवकरात लवकर पूर्ण करणेबाबत सविस्तर चर्चा करण्यात आली.
तसेच सांगली जिल्ह्यातील नवीन रस्त्यांचे प्रस्ताव, दोन्ही राष्ट्रीय महामार्गांच्या जंक्शन पॉईंटवर येणाऱ्या तासगांव शहरातील रिंग रोडसंदर्भात सविस्तर चर्चाही केली. याबद्दल केलेल्या मागण्यांना गडकरी यांच्याकडून सकारात्मक प्रतिसाद मिळाला.
यावेळी तासगांव नगरपालिकेचे माजी नगराध्यक्ष व विद्यमान नगरसेवक . बाबासाहेब पाटील, तासगांव कारखान्याचे व्यवस्थापकीय संचालक . आर. डी. पाटील हेही उपस्थित होते.