इमारतींची चाळण पण निर्धाराच्या पोलादाद्वारे अपेक्षांचा ‘पंच’
सीरियाच्या अतारिब येथील छायाचित्र मानवी निर्धाराची किमया दर्शविते. तेथील मुले आणि तरुण स्फोटात उद्ध्वस्त झालेल्या इमारतींमध्ये अपेक्षांचे ‘पंच’ लावत असून जेणेकरून स्वतःच्या डोकं अन् मनातून गृहयुद्धाच्या वाईट आठवणी विसरता येईल. अतारिबमध्ये राहणारे 31 वर्षीय शिक्षक अहमद द्वार यांनी क्षेपणास्त्रांच्या हल्ल्यात नुकसानग्रस्त झालेल्या इमारतींना बॉक्सिंग रिंगचे स्वरुप दिले आहे. तेथे दिवसभरात 100 हून अधिक मुले बॉक्सिंग शिकण्यास येत आहेत.
सीरिया कधीकाळी समृद्ध देश होता, पण गृहयुद्धाने येथील रयाच घालविली आहे. देश आर्थिक संकटाला तोंड देत असून शाळा-महाविद्यालये बंद झाली आहेत, देशातील निम्मी लोकसंख्या बेघर झाली आहे. सीरियाची बिघडती स्थिती मुलांच्या मनामध्ये घर करून बसू नये म्हणून त्यांना बॉक्सिंग शिकविण्यास सुरुवात केल्याचे अहमद सांगतात. जागतिक आरोग्य संघटनेनुसार गृहयुद्धामुळे सीरियात मागील 10 वर्षांमध्ये 3.80 लाखांहून अधिक जणांचा मृत्यू झाला आहे. यात 22 हजार मुले आणि 13612 महिलांचाही समावेश आहे.