वार्ताहर / शिये
ग्रामपंचायतीवर भगवा फडकवण्यासाठी सज्ज व्हा, असे आवाहन शिवसेना जिल्हाप्रमुख संजय पवार यांनी केले. ग्रामपंचायत निवडणूकी संदर्भात शिये, भुयेवाडी व निगवे दुमाला येथील संपर्क दौऱ्यावेळी भुयेवाडी (ता.करवीर) येथे बैठकीत बोलत होते.
पुढे बोलताना पवार म्हणाले की, महाराष्ट्रात शिवसेनेचा मुख्यमंत्री असल्याने विकासगंगा गावोगावी पोहचविण्यासाठी कोणतीही अडचण येणार नाही. त्यामुळे गावोगावी शिवसेनेचा सरपंच असणे गरजेचे आहे. कार्यकत्यांनी ग्रामपंचायतीवर भगवा फडकवण्यासाठी सज्ज व्हा.
यावेळी शिवसेना उपजिल्हाप्रमुख बाजीराव पाटील, माजी पंचायत समिती सदस्य कृष्णात पोवार, भानुदास पाटील, उदय सुतार, संजय पाटील, अरविंद पाटील, तानाजी चौगले, आत्माराम पवार, जालिंदर चव्हाण यांच्यासह कार्यकर्ते मोठ्या संख्येने उपस्थित होते.