असळज / प्रतिनिधी
औरंगाबाद येथे आयोजित केलेल्या सरपंच परिषदेमध्ये आमदार संजय शिरसाठ यांनी ग्रामसेवक संवर्गाबाद्द्ल केलेल्या वक्तव्याच्या निषेधार्थ गगनबावडा तालुक्यामध्ये ग्रामसेवक संघटना डी.एन.ई.१३६ या संघटनेकडून एक दिवस काम बंद आंदोलन करण्यात आले. या बाबतचे निवेदन पंचायत समिती गगनबावडा येथे गट विकास अधिकारी एम. परीट यांना देण्यात आले.
यावेळी तालुकाध्यक्ष सुभाष भोसले म्हणाले की,वास्तविक पाहता राज्यातील ग्रामसेवक संवर्ग हा शासन व्यवस्थेमध्ये गावपातळीवर काम करणारा शेवटचा घटक असून कामकाज करताना त्यांना जनमाणसाशी संपर्क व समन्वय ठेवून अत्यंत सचोटीने व पारदर्शक पद्धतीने असंख्य अडचणीवर मात करून काम करणारा घटक आहे. तरीही सरपंच परिषदेमध्ये आमदार संजय शिरसाठ यांनी ग्रामसेवक संवर्गाबाद्द्ल केलेल्या वक्तव्या हे निंदनीय असुन ग्रामसेवक संघटना याचा निषेध करत आहे. यावेळी संघटनेच्या उपाध्यक्ष सरिता पाटील,सचिव भिमराव गुरव अमित पाटील,प्रकाश पोवार,प्रसाद झोरे व ग्रामसेवक उपस्थित होते.