रत्नागिरी/प्रतिनिधी
लोटे औद्योगिक वसाहतीतील घरडा कंपनीत कोरोनाने अक्षरश: कहरच केला आहे. घरडा कंपनीच्या व्यवस्थापनाने हॉस्पीटलमध्ये सुरू केलेल्या खासगी कोविड चाचणीत मंगळवारी सकाळी २१ रूग्ण पॉझिटिव्ह आढळलेले असतानाच दुपारी ३ वाजण्याच्या सुमारास आणखी १२ नव्या रूग्णांची भर पडली. घरडा वसाहत व लवेल येथील प्रत्येकी १, आवाशीतील ७ व चिपळूणमधील ३ रुग्णांचा समावेश आहे. एकाच दिवसात तब्बल ३३ कोरोनाचे रूग्ण आढळल्याने कंपनी व्यवस्थापनासह प्रशासकीय यंत्रणा पुरत्या हादरल्या आहेत.