ऑनलाईन टीम / देवास :
मध्यप्रदेशातील देवास येथील शिप्रामध्ये एका घरावर पाकिस्तानचा झेंडा फडकत असल्याचा व्हिडीओ व्हायरल झाला. त्यानंतर पोलिसांनी तात्काळ घटनास्थळी धाव घेऊन पंचनामा करत घरमालकाला अटक केली.
फारुख खान असे या अटक करण्यात आलेल्या घरमालकाचे नाव आहे. त्यांच्यावर कलम 153 अंतर्गत गुन्हा दाखल करण्यात आला आहे.
मिळालेल्या माहितीनुआर, फारुख खान यांच्या 12 वर्षीय मुलाने घराच्या गच्चीवर पाकिस्तानचा झेंडा लावला होता. त्याचा व्हिडीओ सोशल मीडियावर व्हायरल झाला. त्यानंतर पोलिसांनी घटनास्थळी धाव घेऊन खात्री केली. त्यानंतर झेंडा ताब्यात घेऊन घरमालक फारुख यांना अटक केली. फारुख यांच्या 12 वर्षीय मुलाने जनभावना भडकावण्यासाठी हे कृत्य केल्याचे सांगण्यात येते. या प्रकरणाची पोलिसांसह महसूल विभागही चौकशी करत आहे.