एक लाखाचे नुकसान
वार्ताहर / रेवोडा
रेवोडा मळीवाडा येथील गुरुदास सोनू कोलवाळकर यांच्या घरावर मंगळवारी दुपारी भेंडीचे झाड कोसळले. त्यात घरात काम करत असलेल्या गुरुदास कोलवाळकर यांच्यावर छप्पराची कौले पडल्याने ते जखमी झाले. त्यांच्या डोक्याला व डाव्या बाजूच्या भुजाला जखम झाली. त्यांच्यावर कासगी इस्पितळात उपचार करण्यात आले.
कालपासून मान्सून पावसाला सुरुवात झाली. त्यात घराजवळ असलेले भेंडीचे सुके झाड अचानक कोसळले. त्यात घराची कौले, वासे व भितीचे मिळून सुमारे एक लाख रुपयांचे नुकसान झाले. रेवोडा पंचायतीचे सरपंच श्रीकांत मांद्रेकर यांनी येऊन पाहणी केली. म्हापसा अग्निशमन दलाचे जवान सुरज शेटगांवकर, नितीन चोडणकर, दत्तराज च्यारी, सिद्धेश परब, रोहन नाईक यांनी छप्परावरील झाड कापून वेगळे केले.