वार्ताहर/ लोटे
खेड तालुक्यातील घाणेखुंट ग्रामपंचायतीच्या हद्दीत 150हून अधिक एलईडी पथदीप बसवण्यात आले आहेत. ग्रामपंचायतीच्या 14व्या वित्त आयोग फंडातून महावितरणच्या वीज खांबांवर हा प्रकल्प राबवण्यात आला.
ग्रा. पं.च्या हद्दीतील जि. प. रस्ते, वाडय़ांतर्गत रस्ते, मंदिरे, मशिदी, शाळा, सार्वजनिक ठिकाणी हे पथदीप लावण्यात आल्याने परिसर रोषणाईने उजळून गेला आहे. घाणेखुंट गाव औद्योगिक वसाहतीजवळ असल्याने गावातील बहुतांशी कामगार व परप्रांतीय कामगार वसाहतीत कामे करत आहेत. तसेच गावातील रस्त्यांवर रात्री-अपरात्री वाहनांची वर्दळ असल्याने सुरक्षेच्या दृष्टीने हे पथदीप लावण्यात आल्याचे सरपंच अंकुश काते यांनी सांगितले.