न्यूयॉर्क
अमेरिकेची अंतराळ संस्था नासाने स्वतःच्या चांद्रमोहिमेसाठी 10 प्रशिक्षणार्थी अंतराळवीरांची निवड केली आहे. या अंतराळवीरांना भारतीय वंशाचे अनिल मेनन देखील सामील आहेत. 45 वर्षीय अनिल नासाच्या क्लास 2021 चा हिस्सा होणार आहेत. या क्लाससाठी निवडण्यात आलेल्या 10 जणांमध्ये 6 पुरुष आणि 4 महिला आहेत. नासा 50 वर्षांनी चंद्रावर माणूस पाठविण्याच्या प्रकल्पावर काम करत आहे. अनिल मेनन हे अमेरिकेच्या वायुदलात लेफ्टनंट कर्नल असून स्पेसएक्समध्ये फ्लाइट सर्जन देखील राहिले आहेत.
अनिल मेनन यांनी भारतात एक वर्षे वास्तव्य देखील केले आहे. चंद्रावर आतापर्यंत भारताचा कुठलाच अंतराळवीर गेलेला नाही. परंतु आतापर्यंत भारताचे 3 लोक अंतराळात जाऊन आले आहेत. यात भारतीय वंशाच्या कल्पना चावला, सुनीता विलियम्स आणि राजा चारी यांचा समावेश आहे. मेनन यांचे वडिल भारतीय तर आई युक्रेनियन आहे.