सोमवारी सकाळी घडली घटना : कारचे किरकोळ नुकसान
प्रतिनिधी /बेळगाव
चन्नम्मा सर्कल येथे कारला आग लागण्याची घटना सोमवारी सकाळी घडली. अचानक कारमधून धूर निघाल्याने चालक बाहेर पडला. आग लागल्याची घटना अग्निशमन विभागाला कळताच घटनास्थळी दाखल होत आग विझविण्याचा प्रयत्न करण्यात आला. वेळेत आग विझविण्यात आल्याने कारचे किरकोळ नुकसान झाले.
सकाळी 9.30 च्या सुमारास (के. ए. 20 पी 0344) या कारच्या दर्शनी भागातून धूर येण्यास सुरुवात झाली. चालकाने तात्काळ कार रस्त्याच्या बाजूला घेतली. धुराचे प्रमाण वाढत गेल्यामुळे स्थानिकांनी अग्निशमन विभागाला माहिती दिली. बॅटरीजवळ शॉर्टसर्किट झाल्याने आग लागण्याचा प्राथमिक अंदाज व्यक्त करण्यात येत होता. अग्निशमन विभागाने आग आटोक्मयात आणली.