काँग्रेसने न्यायालयीन चौकशीची केली मागणी
बेंगळूर/प्रतिनिधी
कर्नाटकातील चामराजनगर जिल्हा रूग्णालयात ऑक्सिजनच्या कमतरतेमुळे 2४ जणांचा मृत्यू झाल्याच्या एका दिवसानंतर जिल्हा सत्र न्यायालयाचे न्यायाधीश सदाशिव एस. सुलतानपुरी यांनी परिस्थितीची पाहणी करण्यासाठी रुग्णालयात भेट दिली.
जिल्हा प्रशासनाच्या सूत्रांनी दिलेल्या माहितीनुसार, न्यायाधीशांनी चामराजनगरचे जिल्हा आयुक्त एम. आर. रवी यांच्याशी संवाद साधला आणि आरोग्यमंत्री डॉ. के सुधाकर रुग्णालयात येण्यापूर्वी न्यायाधीशांनी रुग्णालय परिसरातील परिस्थितीचा आढावा घेतला, अशी माहिती जिल्हा प्रशासनाच्या सूत्रांनी दिली.
सुविधेत वैद्यकीय ऑक्सिजनची कमतरता असल्याने त्यांचा मृत्यू झाल्याचा आरोप रूग्णांच्या कुटुंबियांनी केला आहे, तर राज्य सरकारने दावा केला आहे की या ऑक्सिजनच्या कमतरतेमुळे केवळ तीन मृत्यू झाले आहेत, असे म्हंटले आहे.