खासदार तापिर गाओ यांचा दावा
ऑनलाईन टीम/तरुण भारत
अरुणाचल प्रदेशचे खासदार तापिर गाओ यांनी बुधवारी एक धक्कादायक दावा केलाय. चीनच्या पिपल्स लिब्रेशन आर्मी म्हणजेच पीएलएने भारताच्या हद्दीमध्ये येऊन सियांग जिल्यामधील एका १७ वर्षीय मुलाचं अपहरण केल्याचं गाओ यांनी म्हटलंय. गाओ यांनी अपहरण झालेल्या मुलाचं नाव मिराम तरोन असं असल्याचाही दावा केलाय. गाओ यांच्या सांगण्यानुसार चिनी लष्कराने सियुंगला क्षेत्रामधील लुंगता जोर परिसारमधून या मुलाचं अपहरण केलंय. यापूर्वीही चिनी सैनिकांनी अरुणाचल प्रदेशच्या सीमेजवळच्या भागांमध्ये घुसखोरी केल्याच्या बातम्या समोर आल्या होत्या.