वृत्तसंस्था/ ऍडलेड
डब्ल्यूटीए टूरवरील येथे सुरू असलेल्या ऍडलेड खुल्या महिलांच्या आंतरराष्ट्रीय टेनिस स्पर्धेत चीनच्या आठव्या मानांकित वांग कियांगने विजयी सलामी देताना ऑस्ट्रेलियाच्या गॅडेकीचा पराभव केला.
महिला एकेरीच्या पहिल्या फेरीच्या सामन्यात चीनच्या वांगने गॅडेकीचा 6-4, 6-3 असा पराभव करून दुसरी फेरी गाठली. अन्य एका सामन्यात अमेरिकेच्या डॅनेली कॉलिन्सने चीनच्या झेंग सेसाईवर 7-6 (7-5), 6-1, सेव्हास्तोव्हाने फ्रान्सच्या गार्सियाचा 6-2, 6-4, रॉजर्सने रशियाच्या कुड्रेमेटोव्हाचा 6-3, 7-6 (7-4) असा पराभव करत पुढील फेरीत स्थान मिळविले.