ऑनलाईन टीम / बीजिंग :
भारत आणि अमेरिकेसोबतचा वाढता तणाव लक्षात घेऊन चीनने यंदा आपले संरक्षण बजेट वाढवले आहे. 2021 या वर्षासाठी संरक्षण बजेटमध्ये 6.8 टक्के वाढ करत चीनने आपले संरक्षण बजेट 209 अब्ज डॉलरपर्यंत नेले आहे. चीनचे पंतप्रधान ली क्विंग यांनी शुक्रवारी संसदेत ‘नॅशनल पीपल्स काँग्रेस’मध्ये (एनपीसी) ही घोषणा केली.
संरक्षण बजेट वाढीवर एनपीसीचे प्रवक्ते झांग यसुई म्हणाले, कोणत्याही देशाला लक्ष्य न करता किंवा धोका निर्माण न करता राष्ट्रीय संरक्षण मजबूत करण्याचा चीनचा प्रयत्न आहे. चीनची अर्थव्यवस्था 2020 मध्ये 2.3 टक्क्यांनी वाढली. हा गेल्या 45 वर्षांतील सर्वात कमी वार्षिक आर्थिक विकास दर होता. गेल्या वर्षी कोरोना विषाणूच्या साथीचा प्रभाव चीनच्या अर्थव्यवस्थेवर होता. पण चीन त्यामधून सावरू शकला.