भुवनेश्वर / ऑनलाईन टीम
छत्तीसगडमध्ये सुरक्षा दल आणि नक्षलवादी यांच्यात आज रविवारी दि. 25 जुलै रोजी चकमक उडाली असून यामध्ये एका नक्षलवाद्यांला ठार करण्यात लष्कराला यश आले आहे.
छत्तीसगढ राज्यातील सुकमा जिल्ह्यात ही चकमक उडाली आहे. यामध्ये सुकमा जिल्ह्यातील मिंपा आणि पाडिगुडाच्या जंगलात सुरक्षा दल आणि नक्षलवाद्यांमध्ये चकमक झाली असल्याचे एसपी सुनील शर्मा यांनी स्पष्ट केले आहे.
या हल्ल्याच्या एक दिवस आधी,म्हणदे शनिवार दि. 24 जूलै रोजी दंतेवाडा जिल्ह्यात होम रिटर्न या मोहिमेचा भाग म्हणून एसपी अभिषेक पल्लव यांच्यासमोर चार नक्षलवाद्यांनी आत्मसमर्पन केले होते. त्यांच्यावर अनेक गुन्हे दाखल आहेत. त्यांना लसीकरण केले असून नक्षलवाद्यांना समाजाच्या मुख्य प्रवाहात आणण्यासाठी ही प्रयत्न केले जात आहेत.सरकारच्या या पुनर्वसन धोरणांतर्गत सर्व नक्षलवाद्यांना फायदा होईल.