ऑनलाईन टीम / मुंबई :
आज छत्रपती शिवाजी महाराजांची जयंती संपूर्ण जगभर उत्साहात साजरी केली जात आहे. विविध क्षेत्रातील दिग्गजांनी शिवरायांना अभिवादन केले आहे.
बॉलिवूडचे महानायक अमिताभ बच्चन यांनीही शिवाजी महाराजांच्या जयंतीनिमित्त एक ट्विट केले आहे. त्यामध्ये ते म्हणतात, ‘छत्रपती शिवाजी महाराज हे फक्त शब्द नाहीत तर मंत्र आहे. शेकडो वर्षानंतरही त्यांच्याकडून आपल्याला प्रेरणा मिळते. ते जगातील श्रेष्ठ योद्धा आणि आदर्श राजा होते. त्यांचे स्मरणही नेहमीच प्रेरणादायी राहिले. छत्रपती शिवाजी महाराजांना शत शत नमन.’
शिवजयंतीनिमित्त राज्यभर मिरवणुका आणि विविध कार्यक्रमांचे आयोजन करण्यात आले आहे. शिवनेरीवरील शिवजन्मोत्सव सोहळ्यात मुख्यमंत्री उद्धव ठाकरे, उपमुख्यमंत्री अजित पवार उपस्थित आहेत.