सिंगल चार्जिंगवर 1099 किमी धावणार
नवी दिल्ली
मर्सिडीज बेंझ आणि वोल्वो यासारख्या वाहन कंपन्या आता इलेक्ट्रिक वाहन निर्मितीच्या प्रवासात उतरत असून इलेक्ट्रिक ट्रक बनविण्यातही आघाडी घेत असल्याची माहिती आहे. यामध्ये युरोपमधील फ्यूचरिकम यांनी इलेक्ट्रिक ट्रक्स विकसित व निर्मिती करण्यासाठी डीपीडी स्विर्त्झलँड आणि कॉन्टिनेंटल टायर्ससोबत हातमिळवणी केली आहे.
यामध्ये या समूहाने इलेक्ट्रिक ट्रकच्या मदतीने सर्वात लांब पल्ल्याचा प्रवास करत गिनीज वर्ल्ड रिकॉर्डची नोंद केली आहे. सदरचा ई ट्रक वोल्वोने पहिला सुधारीत करुन बनविला असून ज्याने सिंगल चार्जवर विनाथांबा 1,099 किमीचा प्रवास केल्याची नोंद आहे. या इलेक्ट्रिक ट्रकमध्ये 680 किलोवॅट बॅटरीची क्षमता राहणार आहे.