ऑनलाईन टीम/तरुण भारत
जम्मू-काश्मीरमधील श्रीनगरमधल्या रैनावाडी भागात बुधवारी रात्री उशिरा दहशतवाद्यांनी ग्रेनेड हल्ला केला. एका चेक पॉईंटवर दहशतवाद्यांनी हा ग्रेनेड हल्ला केलाय. यात केंद्रीय राखीव पोलीस दल आणि राज्य पोलीस दलाचा प्रत्येकी 1 जवान जखमी झालाय. हल्ल्यानंतर दहशतवाद्यांनी घटनास्थळावरून पळ काढला असून त्यांना पकडण्यासाठी शोधमोहीम सुरू करण्यात आलीय. श्रीनगरचे वरिष्ठ पोलीस अधीक्षक राकेश बलवाल यांनी या घटनेला दुजोरा दिलाय.
जम्मू काश्मीरमध्ये दहशतवाद्यांच्या कारवाया सतत वाढत आहेत. दहशतवादी भारतीय सैनिकांसोबतच सर्वसामान्य नागरिकांनाही लक्ष करत आहेत. तर सातत्याने हल्ले करणाऱ्या दहशतवाद्यांचा खात्मा करण्यासाठी भारतीय सैनिकांनी कम्बर कसली आहे. गेली अनेक दिवस जम्मू काश्मीरच्या वेगवेगळ्या ठिकाणी सातत्याने सर्च ऑपरेशन्स सुरू आहेत. दररोज दहशतवाद्यांविरोधात कारवाया सुरु आहेत. तर या कारवाईत अनेक दहशतवाद्यांना कंठस्नान घालण्यात भारतीय जवानांना यश आले आहेत.