ऑनलाईन टीम / जम्मू :
जम्मू काश्मीरमध्ये मागील 24 तासात 434 नवे कोरोना रुग्ण आढळले आहेत. तर 11 जणांचा मृत्यू झाला. त्यामुळे एकूण रुग्णांची संख्या 1 लाख 15 हजार 207 वर पोहोचली आहे.
मिळालेल्या माहितीनुसार, मिळालेल्या नव्या रुग्णांमध्ये जम्मूतील 202 आणि काश्मीर मधील 232 जणांचा समावेश आहे. सद्य स्थितीत 4 हजार 849 रुग्णांवर उपचार सुरू आहेत.
त्यातच दिलासादायक बाब म्हणजे दिवसभरात 422 रुग्णांना डिस्चार्ज दिला. तर आतापर्यंत 1,08,572 रुग्णांची प्रकृती सुधारली असून त्यांना घरी सोडण्यात आले आहे. यामध्ये 44,103 रुग्ण जम्मूतील तर 64, 469 जण काश्मीरमधील आहेत.
तर आतापर्यंत 1786 जणांचा कोरोनामुळे मृत्यू झाला आहे. यामध्ये जम्मूतील 641 जण तर काश्मीरमधील 1145 जणांनी आपला जीव गमावला आहे.