श्रीनगर
जम्मू-काश्मीरमध्ये मंगळवारी दुपारी भूकंपाचे धक्के जाणवले आहेत. या भूकंपाची रिश्टर स्केलवर तीव्रता 5.1 इतकी होती. भूकंपाचे केंद्र ताजिकिस्तानच्या सीमेत होते. परंतु भूकंपामुळे कुठल्याही प्रकारच्या जीवित अन् आर्थिक हानीचे वृत्त अद्याप समोर आलेले नाही. यापूर्वी 23 मे रोजी जम्मू-काश्मीरमध्ये भूकंपाचे धक्के जाणवले होते. जम्मू-काश्मीर हे अत्याधिक संवेदनशील भूकंपीय क्षेत्रात मोडते. 8 ऑक्टोबर 2005 रोजी झालेल्या भूकंपाने या भागात मोठी हानी घडविली होती.