वार्ताहर /कणकुंबी
श्री शिवप्रतिष्ठान हिंदुस्थान रामापूरपेठ जांबोटी येथे श्री दुर्गामाता दौडला सुरुवात झाली. शिवस्मारक बसस्टँड येथे छत्रपती शिवाजी महाराजांच्या मूर्तीचे पूजन जांबोटी ओपीचे हवालदार सनदी व दुर्गामाता दौडचे अध्यक्ष मनोहर गोवेकर, उपाध्यक्ष सचिन कुडतुरकर यांच्या हस्ते झाले.
भगवाध्वज व शस्त्रांची पूजा राजू कूर्लेकर व मदन कुडतुरकर यांनी केली. दौड गांधीनगर, पारवडकर गल्ली, श्रीराम मंदिर, पंचांची खुट्टी येथे जाऊन शिवस्मारक बसस्टँड येथे दौडची सांगता झाली. यावेळी मंजुनाथ डांगे, संजय गावडे, राजू गावडे, राम डांगे, घेवारी, प्रसाद कुडतुरकर, संजय कणगुटकर, सुरेश नाईक, विनोद पारवडकर उपस्थित होते.