मुंबई \ ऑनलाईन टीम
ज्येष्ठ समाजसेवक अण्णा हजारे यांचा आज वाढदिवस आहे. अनेक राजकिय नेत्यांनी अण्णा हजारे यांना वाढदिवसाच्या शुभेच्छा दिल्या आहेत. राज्याचे गृहनिर्माण मंत्री आणि राष्ट्रवादीचे नेते जितेंद्र आव्हाड यांनी देखील सोशल मीडियाच्या माध्यमातून हटके अंदाजात अण्णा हजारे यांना वाढदिवसाच्या शुभेच्छा दिल्या आहेत.
जितेंद्र आव्हाड यांनी ट्वीट करत म्हटले आहे की, प्रिय अण्णा….प्रचंड महागाई ,पेट्रोल-गॅस-डिझेल-खाद्यतेल यांचे गगनाला भिडलेले भाव,ढासळती अर्थव्यवस्था, कोरोनामुळे कोलमडलेली आरोग्यव्यवस्था, वाढती सामाजिक दरी, चीन सोबत सीमेवरील तणाव ह्यांच्या बद्दल नाही तर वाढदिवसाच्या हार्दिक शुभेच्छा देण्यासाठी हा मेसेज होता. व जितेंद्र आव्हाड यांनी #HappyBirthdayAnna हा हॅशटॅग देखील वापरला आहे. सोबत अण्णा हजारे यांचा कानाला हात लावलेला एक फोटो देखील शेअर केला आहे.
सध्या जितेंद्र आव्हाड यांनी ज्येष्ठ समाजसेवक अण्णा हजारे यांना दिलेल्या वाढदिवसाच्या शुभेच्छा राजकिय वर्तुळात चर्चेचा विषय ठरल्या आहेत. सतत सामाजातील विविध प्रश्नांवर आंदोलनाचे ह्त्यार उपसणारे अण्णा हजारे आता गप्प का, असे लक्षात आणून देण्याचे काम जितेंद्र आव्हाड यांनी अप्रत्यक्षरीत्या केले आहे.