वृत्तसंस्था/ नवी दिल्ली
भारतातील सर्वात मोठी मोबाईल सेवा पुरवणारी कंपनी रिलायन्स जियोने आपले दर 1 डिसेंबरपासून वाढवण्याचा निर्णय घेतला आहे. यापूर्वी भारती एअरटेलने कॉल-इंटरनेट दरात वाढ लागू केली आहे.
मागच्या आठवडय़ात व्होडाफोन आयडियाने दरात वाढ केली होती. जियोने 1 डिसेंबरपासून दर वाढविण्याचा निर्णय घेतला असून नव्या योजना ग्राहकांकरिता आणल्या असल्याचे समजते. कमी किमतीत उत्तम सेवा देण्यासाठी यापुढेही कंपनी सज्ज असणार आहे. दरम्यान 75 रुपये ते 2399 रुपयांपर्यंतच्या जुन्या शुल्क दरात 20 टक्के आता वाढ केली जाणार आहे. दुसरीकडे एअरटेल व व्हीआय यांनी आपल्या दरात 25 टक्के वाढ केली आहे. तर रिलायन्सने वरील शुल्क प्रकारात सरासरी 21 टक्के वाढ केली आहे.
नवे कॉल-इंटरनेट दर
कंपनी जुना दर नवा दर
भारती एअरटेल. 79……. 99
व्होडाफोन आयडिया…… 79 99
रिलायन्स जियो 75 91