कोल्हापूर / प्रतिनिधी
जिल्हा परिषदेच्या चार विषय समिती सभापती पदांसाठी गुरुवारी निवडणूक प्रक्रिया होती. यामध्ये महा आघाडीकडून शिवसेनेचे हंबीरराव पाटील यांनी बांधकाम व आरोग्य समितीसाठी, स्वाती सासणे यांनी समाजकल्यानसाठी तर पद्मा राणी पाटील यांनी महिला बालकल्याणसाठी आणि प्रवीण यादव यांनी शिक्षण सभापती पदासाठी दुपारी साडेबारा वाजता उमेदवारी अर्ज दाखल केला. पण भाजप आघाडीकडून दुपारी एक वाजेपर्यंत कोणीही उमेदवारी अर्ज दाखल केला नसल्यामुळे ही निवडणूक बिनविरोध झाली. त्यामुळे दुपारी दोन नंतर महाआघाडीच्या विजयी उमेदवारांची घोषणा केली जाणार आहे.