प्रतिनिधी/ सातारा
जिल्हा पोलीस दलात कोरोना लसीचे दोन्ही डोस 95 टक्के अधिकारी व कर्मचाऱयांनी घेतले आहेत. 5 टक्के गर्भवती, गंभीर आजाराने ग्रस्त असणाऱया पोलीसांनी घेतलेली नाही. सध्यस्थितीत कोरोनाची लागण झालेले 5 पोलीस उपचार घेत आहेत.
कोरोनाचा प्रादुर्भाव कायम असल्याने लागू करण्यात आलेल्या लॉडाऊनमध्ये नागरिकांना घराबाहेर न पडण्याचे आदेश देण्यात आले होते. या आदेशाचे पालन करण्यासाठी पोलीसांचा मोठा फौज फाटा तैनात होता. कोरोनाच्या भीतीपेक्षा नागरिकांनी घराबाहेर पडू नये म्हणून पोलीस रस्त्यावर उतरले होते. या काळात अनेक पोलीसांना कोरोनाची लागण झाली. तर अनेकांनी कोरोनावर मात केली. कोरोनाचा प्रादुर्भाव रोखण्यासाठी देण्यात येणारी लस ही पोलीस कर्मचाऱयांना घेणे ही बंधनकारक आहे. जिल्हा पोलीस दलात महिला व पुरूष असे मिळून 2 हजार 950 पेक्षा जास्त अधिकारी कर्मचारी कार्यरत आहेत. यापैकी 95 टक्के कर्मचाऱयांचे लसीकरण पूर्ण झालेले आहे. ज्या महिला पोलीस गर्भवती आहेत. काही पोलीस कर्मचारी गंभीर आजाराने ग्रस्त आहेत. त्यांनी लस घेतलेली नाही. सध्यस्थितीत एक अधिकारी आणि चार कर्मचारी यांना कोरोनाची लागण झालेली आहे. त्यांच्यावर उपचार सुरू आहेत.