प्रतिनिधी / सातारा :
जिल्हा बँकेसाठी सहकार पॅनेल विरुध्द अपक्ष अशी 10 जागांसाठी 20 जणांमध्ये आज मतदानाची प्रक्रिया पार पडली. जिल्ह्यात 11 मतदान केंद्रावर सायंकाळी 5 वाजेपर्यंत 1964 पैकी 1892 मतदारांनी मतदानांचा हक्क बजावल्याने 96.33 टक्के मतदान झाले.
सकाळी जावली मतदान केंद्रावर राजंणे आणि शिंदे या दोन्ही गटाचे कार्यकर्ते आमनेसामने आल्याने तणाव निर्माण झाला होता. नंतर हा वाद मिटला अन् दोन्ही गटाचे कार्यकर्ते एकत्र होते. खटाव मतदान केंद्रावर थेट कारागृहातून माजी आमदार प्रभाकर घार्गे हे दाखल झाल्याने त्यांच्या कार्यकर्त्यांनी त्यांचे भावनिक स्वागत केले. पाटणमध्ये पारंपारिक लढत असल्याने मतदानांचा टक्का वाढला.
जिल्हा मध्यवर्ती बँकेसाठी 21 जागांसाठी यापूर्वीच 11 जागा सहकार पॅनेलच्या बिनविरोध झालेल्या आहेत. उरलेल्या 10 जागांसाठी सहकार पॅनेल विरुद्ध अपक्ष अशा लढतीचे आज मतदान झाले. सातारा मतदान केंद्रावर 416 मतदारांपैकी महिला व इतर मागासवर्ग राखीवसाठी 397 मतदान, नागरी बँकासाठी 85 असे एकूण 397 (95.43 टक्के) मतदान झाले. जावली मतदान केंद्रावर 69 मतदारांपैकी सोसायटीसाठी 49 जणांनी महिला, इतर मागासवर्गीय राखीवसाठी 69 तर नागरी बँकांसाठी 7 जणांनी असे एकूण 69(100टक्के) मतदान झाले. महाबळेश्वर केंद्रावर 48 मतदारांपैकी महिला व इतर मागासवर्गीयांसाठी 44 जणांनी तर नागरी बँकांसाठी 14 जणांनी अशी 44(91.67 टक्के) जणांनी मतदान केले. कराड मतदान केंद्रावर 332 मतदारांपैकी सोसायटीतून 140 जणांनी, महिला व इतर मागासवर्गीयसाठी 325 जणांनी, नागरी बँकांसाठी 67 जणांनी असे 325 (97.89टक्के) जणांनी मतदानांचा हक्क बजावला.
पाटणमध्ये मतदान केंद्रावर 203 मतदारांपैकी सोसायटीसाठी 102 जणांनी, महिला व मागासवर्गीयसाठी 197 जणांनी, नागरी बँकांसाठी 29 जणांनी असे 197 (97.04टक्के) मतदान झाले. कोरेगाव मतदान केंद्रावर 131 मतदारांपैकी सोसायटीसाठी 90 जणांनी, महिला व इतर मागासवर्गीय राखीवसाठी 126 जणांनी, नागरी बँकांसाठी 19 जणांनी असे एकूण 126(96.18टक्के) मतदान झाले. खटाव मतदान केंद्रावर 150 मतदारापैकी सोसायटीसाठी 103 जणांनी, महिला व इतर मागासवर्गीयसाठी 150 जणांनी, नागरी बँकासाठी 18 जणांनी असे एकूण 150(100 टक्के) जणांनी मतदान केले. माण मतदान केंद्रावर 119 मतदारापैकी सोसायटीसाठी 72 जणांनी, महिला व मागासवर्गीयसाठी 110 जणांनी, नागरी बँकांसाठी 23 जणांनी असे एकूण 110 (92.44 टक्के) जणांनी मतदान केले. खंडाळा मतदान केंद्रावर 88 मतदारांपैकी महिला व इतर मागासवर्गीयांसाठी 87 जणांनी, नागरी बँकांसाठी 15 जणांनी असे एकूण 87 (98.86टक्के) जणांनी मतदान केले. वाई मतदान केंद्रावर 132 मतदारांपैकी महिला व मागासवर्गीयासाठी 123 जणांनी तर नागरी बँकांसाठी 29 जणांनी असे एकूण 123(93.18टक्के) जणांनी मतदान केले. फलटण मतदान केंद्रावर 276 मतदारांपैकी महिला व मागासवर्गीयसाठी 264 जणांनी तर नागरी बँकांसाठी54 जणांनी असे एकूण 264(95.65टक्के) जणांनी मतदान केले. असे जिह्यात 1964 मतदारांपैकी सोसायटीसाठी 556 जणांनी, महिला व मागासवर्गीयसाठी 1892 जणांनी, नागरी बँकासाठी 360 जणांनी असे एकूण 1892(96.33टक्के) जणांनी मतदान केले. मतमोजणी दि. 23 रोजी 11 टेबलवर होणार आहे, असे निवडणूक निर्णय अधिकारी मनोहर माळी यांनी सांगितले.