प्रतिनिधी/ बेळगाव
कोरोनाची धास्ती दिवसेंदिवस अधिकच वाढत असल्यामुळे बेळगाव जिल्हय़ावर धास्तीची छाया अधिक गडद होत आहे. दि. 14 रोजी उपलब्ध झालेल्या अहवालानुसार जिल्हय़ात आतापर्यंत 1785 संशयितांची तपासणी झाली आहे. यामध्ये 371 जणांचा अहवाल निगेटिव्ह आला आहे.
आरोग्य खात्याच्या जिल्हा समीक्षा विभागाने यासंदर्भात प्रसिद्ध केलेल्या अहवालात ही माहिती देण्यात आली आहे. या माहितीनुसार जिल्हय़ातील विलगीकरण केलेल्या हॉस्पिटलमधील रुग्णांची संख्या 20 आहे. एकूण 14 दिवसांचे विलगीकरण पूर्ण केलेले रुग्ण 664 इतके असून 28 दिवसांचा कालावधी पूर्ण केलेल्यांची संख्या 825 इतकी आहे. एकूण 484 जणांच्या स्वॅब नमुन्यांची तपासणी करण्यात आली असून यामध्ये 371 जणांचे अहवाल निगेटिव्ह आले आहेत.
जिल्हा आरोग्य खात्याकडून प्रसिद्ध केलेला दि. 14 रोजीचा अहवाल…
1) आतापर्यंत तपासणी झालेले रुग्ण- 1785
2) 14 दिवसांसाठीचे विलगीकृत सदस्य- 276
3) हॉस्पिटलमधील आयसोलेटेड रुग्ण- 20
4) 14 दिवसांचा कालावधी पूर्ण केलेले संशयित- 664
5) 28 दिवसांचा कालावधी पूर्ण केलेले संशयित- 825
6) तपासणीसाठी संकलित नमुने- 484
7) पॉझिटिव्ह रुग्ण संख्या- 18
8) निगेटिव्ह आलेली संख्या- 371