ऑनलाईन टीम / उरण :
उरणच्या जेएनपीटी बंदरात ठेवण्यात आलेल्या टॅल्कम पावडरच्या कंटनेरमधून 290 किलो हेरॉईन जप्त करण्यात आले आहे. कस्टम विभागाने ही कारवाई केली.
सागरी मार्गाने हेरॉईन भारतात आणून ते मुंबई आणि दिल्लीमध्ये वितरित होणार असल्याची माहिती कस्टम विभागाला मिळाली होती. त्यानुसार कस्टम अधिकाऱ्यांनी बंदर परिसरात तपास सुरू केला. दरम्यान, इराणमधील टॅल्कम पावडरचा कंटेनर जेएनपीटी बंदरात उतरविण्यात आला असून, तो सीएसएफमध्ये ठेवण्यात आल्याचे अधिकाऱ्यांना समजले. या कंटेनरची तपासणी केली असता, त्यामध्ये अफगाणिस्तानातून आलेले 290 किलो हेरॉईन आढळले. हेरॉईन जप्त करण्यात आले असून, यासंदर्भांत अधिक तपास सुरू आहे.