वृत्तसंस्था/ दुबई
आंतरराष्ट्रीय क्रिकेट मंडळाच्या (आयसीसी) कायमस्वरुपी सीईओपदी ऑस्ट्रेलियाच्या जेफ ऍलार्डाईस यांची नियुक्ती झाली. यापूर्वी ऍलार्डाईस हे 8 महिन्यांच्या कालावधीसाठी आयसीसीच्या हंगामी सीईओपदी कार्यरत होते.
यापूर्वी आयसीसीचे सीईओपद मनू साहनी यांच्याकडे सोपविण्यात आले होते. गेल्या जुलैमध्ये साहनी यांनी पदाचा राजीनामा दिला होता. त्यानंतर या पदावर हंगामी स्वरुपी ऍलार्डाईस यांची नियुक्ती करण्यात आली होती. क्रिकेटचा प्रसार जागतिक स्तरावर करण्यासाठी सीईओपदाची जबाबदारी कायमस्वरुपी ऍलार्डाईस यांच्यावर आयसीसीने टाकली आहे. ऍलार्डाईस हे ऑस्ट्रेलियाचे माजी प्रथमश्रेणी क्रिकेटपटू कुशल प्रशासक म्हणून ओळखले जातात. आयसीसीच्या सरव्यवस्थापक पदाची सूत्रे ऍलार्डाईस यांनी यापूर्वी आठ वर्षे सांभाळली आहेत. क्रिकेट ऑस्ट्रेलियाचे सरव्यवस्थापक म्हणूनही त्यांनी कामगिरी बजावली आहे.