ऑनलाईन टीम / नवी दिल्ली :
प्रजासत्ताक दिनाच्या पूर्वसंध्येला केंद्र सरकारकडून पद्म पुरस्काराची घोषणा केली जाते. यंदा ज्येष्ठ गायक सुरेश वाडकर यांना पद्मश्री जाहीर करण्यात आला आहे.
पुरस्कार जाहीर झाल्यानंतर वाडकर यांनी आपला आनंद व्यक्त केला. वाडकर म्हणाले, पद्मश्री मिळाल्यामुळे खूप आनंद झाला आहे. मला गृहमंत्रालयाकडून फोन आला व मला फोनवर पुरस्कार मिळाल्याची माहिती देण्यात आली.
आशाताई, लतादीदी यांनी मला माझ्या करिअरमध्ये खूप मदत केली. मला हा पुरस्कार लतादीदी, आशाताई यांच्या आर्शिवादामुळेच मिळाला आहे, असं ही ते म्हणाले.
दरम्यान, सुरेश वाडकर यांनी हिंदी आणि मराठी शेकडो गाणी गायली आहेत. ओंकार स्वरुपा सदगुरु समर्था, तू सप्तसूर माझे, सुरमयी अखियों मे, ऐ जिंदगी गले लगा ले, सपने में मिलती है यासारखी अनेक गाणी गाजलेली आहेत.