ऑनलाईन टीम / नवी दिल्ली :
मध्यप्रदेशातील भाजपचे नेते ज्योतिरादित्य शिंदे आणि त्यांच्या आई माधवीराजे यांच्यामध्ये कोरोनाची लक्षणे आढळल्याने त्यांना दिल्लीच्या साकेत येथील मॅक्स रुग्णालयात दाखल करण्यात आले आहे.
ज्योतिरादित्य आणि त्यांच्या आईमध्ये सोमवारी कोरोनाची लक्षणे आढळून आली. त्यानंतर त्यांना मॅक्स रुग्णालयात दाखल करण्यात आले. रुग्णालयात दाखल केले तेव्हा दोघांनाही ताप आणि घश्यात खवखव होत होती. सध्या दोघांचीही प्रकृती स्थिर असून, त्यांची कोरोना चाचणी करण्यात आली आहे. त्यांचे रिपोर्ट येणे बाकी असल्याचे सांगण्यात येते.