नवी दिल्ली / वृत्तसंस्था
झायडस कॅडिलाच्या कोरोना प्रतिबंधक लसीला लवकरच आपत्कालीन वापरासाठी मंजुरी मिळण्याची चिन्हे आहेत. ही लस मंजुरीच्या अंतिम टप्प्यात असून सरकारने हिरवा कंदील दाखविल्यानंतर भारतात वापरली जाणारी ही सहावी लस ठरणार आहे. तसेच भारतातील कोरोना लसीकरण मोहिमेला आणखी गती येऊ शकते. झायडस कॅडिलाची लस 12 ते 18 वयोगटातील मुलांनाही वापरली जाणार असून अहमदाबाद येथे त्याची निर्मिती करण्यात आली आहे. चाचणीमध्ये या लसीची परिणामकारकता 77 टक्क्मयांपर्यंत नोंदवली गेली आहे. आतापर्यंत भारतात एकूण 5 लसींना मंजुरी देण्यात आली आहे. भारतात आतापर्यंत 50 कोटीहून अधिक डोस देण्यात आले आहेत.